Postuar më: 11/11/2010

Investimet publike pa marrë parasysh kushtet e ekonomisë vazhdojnë të fokusohen plotësisht në projekte infrastrukturore lokale të cilat sjellin një shpërndarje më të kufizuar të fondeve publike. Një tjetër problem që vazhdon të lidhet me investimet publike është mungesa e pagesave ndaj bizneseve që kanë kryer projektet, duke i detyruar këto të reduktojnë punën, krahun e punës e shpesh duke i shtyrë në kufijtë e mbijetesës këto biznese. Mendohet se shteti shqiptar ka mëse 130 milionë dollarë borxhe ndaj bizneseve private, duke ndikuar kështu jo vetëm në shëndetin e bizneseve por edhe në mirëqenien e familjeve që lidhen me këto biznese. Në buxhetin 2011 pagesa e këtij borxhi nuk është parashikuar, e duket se qeveria do të detyrohet të shtojë taksat për të evituar bojkotimin e punëve publike nga bizneset.