Projektrezoluta e PE, pasqyrë shqetësuese e situatës në Shqipëri

Gjatë bisedës së përjavshme me gazetarët kreu i Partisë Socialiste Edi Rama prezantoi një analizë të plotë të Draft Rezolutës së Parlamentit Europian, duke theksuar faktin se me përjashtim të mikpritjes nga ana e Komisionit të Punëve të Jashtme të PE të propozimit për liberalizimin e vizave, ky dokument thekson një situatë shqetësuese në sektorë të ndryshëm të jetës së vendit dhe mbi të gjitha e fton qeverinë Berisha të bëjë detyrat e shtëpisë sa më shpejt të jetë e mundur për të mos e vonuar edhe më integrimin: “Sigurisht është një moment shumë i rëndësishëm i kësaj projektrezolute, momenti i mikpritjes së propozimit për liberalizimin e vizave prej Komisionit Europian.

Doja të tërhiqja vëmendjen lidhur me objektivitetin me të cilin kjo projektrezolutë përshkruan Shqipërinë e sotme. Duke filluar nga nënvizimi, që Shqipëria si një vend që aspiron të bëhet kandidat për në Bashkimin Evropian, të përmbushë kriterin e Kopenhagenit. Vetëm një pikë më poshtë projektrezoluta vajton krizën politike që pasoi zgjedhjet parlamentare dhe po ashtu vajton faktin se megjithë bisedimet më të fundit të lehtësuar nga Bashkimi Europian, përsëri kërkohet konsensus dhe konsensusi nuk është arritur’’

Rama deklaroi po ashtu se Partia Socialiste nuk e ka ndalur betejën e saj për transparencë dhe se grupi parlamentar i PS dhe të gjitha strukturat e tjera të partisë do të vendosin mbi formën që do të marrë kjo rezistencë në vijim. Ai deklaroi gjithashtu se pasi të vijë në pushtet PS do të zhbëjë të gjitha ligjet e padrejta që janë kaluar nga mazhoranca aktuale:“Beteja e opozitës nuk do të rinisë, beteja e opozitës është në zhvillim. Sigurisht nuk është një betejë lineare, është një betejë që ka kurbat e saj, pikërisht, sepse ne jemi një opozitë që përfaqëson një alternativë qeverisëse. E si një opozitë e tillë në jemi tërësisht në koherencë me vizionin dhe filozofinë tonë, që sa herë ka mundësi për një dialog t’i japim mundësinë dialogut.” ...vijon në brendi